 |
| លោកជំទាវ ម៉ានីកា ជេន ឯកអគ្គរដ្ឋទូតឥណ្ឌាប្រចាំកម្ពុជា និង សម្ដេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ ។ រូបភាព៖ India in Cambodia (Embassy of India, Phnom Penh) |
លោកវិទូ | ថ្ងៃ ២᧵៩ ឆ្នាំជូត ទោស័ក ព.ស. ២៥៦៤ | ១០ សីហា ២០២០
ប្រទេសឥណ្ឌាផ្ដល់ជំនួយឥតសំណងក្នុងទឹកប្រាក់ចំនួន ១,៥ លានដុល្លារសហរដ្ឋអាម៉េរិកដល់ប្រទេសកម្ពុជា ដើម្បីចំណាយលើការទិញឧបករណ៍ដោះមីនពីឥណ្ឌា ។
យើងតាមសេចក្តីប្រកាសព័ត៌មាន តំណាងរដ្ឋាភិបាលទាំងពីរ មានលោកជំទាវ ម៉ានីកា ជេន ឯកអគ្គរដ្ឋទូតឥណ្ឌាប្រចាំកម្ពុជា និងសម្ដេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងមន្ត្រីជាច្រើនរូបទៀត បានចុះកិច្ចព្រមព្រៀងផ្ដល់ជំនួយនេះ នៅថ្ងៃច័ន្ទ ទី១០ ខែសីហា ឆ្នាំ២០២០ នៅអគារមិត្តភាព រាជធានីភ្នំពេញ ។
ជំនួយក្នុងទឹកប្រាក់ចំនួន ១,៥ លាននេះគឺដើម្បីចំណាយលើការផ្គត់ផ្គង់ឧបករណ៍ដោះមីន របស់កងយោធពលខេមរភូមិន្ទ ។ ក្នុងកិច្ចការដោះមីននេះ ឥណ្ឌាធ្លាប់បានផ្ដល់ជំនួយជាសុនខហិតមីនចំនួន ១៥ ក្បាលផងដែរ កាលពីឆ្នាំ២០១៦ ។
«ជំនួយឥតសំណងបច្ចុប្បន្នចំនួន ១,៥ លានដុល្លារសហរដ្ឋអាម៉េរិកពីរដ្ឋាភិបាលឥណ្ឌា ជាផ្នែកមួយនៃការជួយបង្កើនសមត្ថភាពដោះមីនរបស់កងយោធពលខេមរភូមិន្ទ» យោងតាមសេចក្តីប្រកាសព័ត៌មាន ។
© រក្សាសិទ្ធិដោយលោកវិទូ
លោកវិទូចុះផ្សាយព័ត៌មានអនឡាញ អំពីព្រះពុទ្ធសាសនាខ្មែរ និងព្រះពុទ្ធសាសនាអន្តរជាតិថ្មីៗ ដើម្បីជាប្រយោជន៍ដល់ប្រិយមិត្តអ្នកអាន និងជាពន្លឺក្នុងការត្រិះរិះពិចារណា ក្នុងការប្រព្រឹត្តទៅ នៃព្រះពុទ្ធសាសនាក្នុងសង្គម ។
No comments:
Post a Comment