នៅថ្ងៃចន្ទ ទី៨ ខែមីនា ឆ្នាំ២០២៤ សាលាបៃតងបានប្រារព្ធខួប ៨ ឆ្នាំ ដែលបានប្រព្រឹត្តទៅប្រកបដោយបរិយាកាសរីករាយ នៅក្នុងបរិវេណសាលា នៅស្រុកកំពង់ត្រឡាច ខេត្តកំពង់ឆ្នាំង ។
នៅក្នុងកម្មវិធីនេះ លោកគ្រូអ្នកគ្រូនិងសិស្សានុសិស្សនៃសាលាបៃតងទាំងអស់បានចូលរួមយ៉ាងច្រើនកុះករ ព្រមទាំងបាននិមន្តព្រះសង្ឃសូត្រមន្ត និងបិណ្ឌបាត្រ តាមប្រពៃណីព្រះពុទ្ធសាសនាខ្មែរផងដែរ ។
កម្មវិធីនេះត្រូវបានបញ្ចប់ ដោយមានការចែកសម្ភារសិក្សាមួយចំនួន មានសៀវភៅពុម្ព និងសៀវភៅសរសេរជាដើមដល់ប្អូនៗសិស្សានុសិស្សទាំងអស់ ។
សាលាបៃតងផ្តល់ការអប់រំដោយឥតគិតថ្លៃជាភាសាអង់គ្លេស ភាសាខ្មែរ ចំណេះដឹងកុំព្យូទ័រ និងការបណ្តុះបណ្តាលវិជ្ជាជីវៈដល់កុមារ និងយុវជនពីគ្រប់មជ្ឈដ្ឋានសេដ្ឋកិច្ចសង្គម នៅក្នុងតំបន់កំពង់ត្រឡាច ដើម្បីរួមចំណែកក្នុងការអភិវឌ្ឍជាតិ តាមរយៈការផ្ដល់ឱកាសសិក្សាដល់កុមារ និងយុវជន ដើម្បីពង្រឹងសមត្ថភាពរបស់ខ្លួន ៕
© រក្សាសិទ្ធិដោយលោកវិទូ
លោកវិទូចុះផ្សាយព័ត៌មានអនឡាញ អំពីព្រះពុទ្ធសាសនាខ្មែរ និងព្រះពុទ្ធសាសនាអន្តរជាតិថ្មីៗ ដើម្បីជាប្រយោជន៍ដល់ប្រិយមិត្តអ្នកអាន និងជាពន្លឺក្នុងការត្រិះរិះពិចារណា ក្នុងការប្រព្រឹត្តទៅ នៃព្រះពុទ្ធសាសនាក្នុងសង្គម ។
No comments:
Post a Comment