 |
| ព្រៃសហគមន៍សង្ឃរុក្ខវ័ន ខេត្តឧត្ដរមានជ័យ ។ រូបភាព៖ វិទ្យុអាស៊ីសេរី |
លោកវិទូ | ថ្ងៃ ១᧻៦ ឆ្នាំជូត ទោស័ក ព.ស. ២៥៦៤ | ១៧ ឧសភា ២០២០
ព្រះសង្ឃអ្នកថែរក្សាព្រៃឈើក្នុងសហគមន៍ព្រៃសង្ឃរុក្ខវ័ន ខេត្តឧត្ដរមានជ័យ មានថេរដីកាថា ក្រុមព្រានព្រៃនាំគ្នាលួចចូលទៅបរបាញ់ និងទាក់ចាប់សត្វព្រៃនៅក្នុងព្រៃសហគមន៍ របស់ព្រះអង្គយ៉ាងអនាធិបតេយ្យអំឡុងពេលរាតត្បាតជំងឺកូវីដ១៩ ។
យោងតាមការចុះផ្សាយរបស់វិទ្យុអាស៊ីសេរីបានឲ្យដឹងថា ប្រធានព្រៃសង្ឃរុក្ខវ័ន ខេត្តឧត្ដរមានជ័យ ព្រះតេជព្រះគុណ ប៊ុន សាលួត មានថេរដីកានៅរសៀលថ្ងៃទី១៥ ឧសភា ថា អំឡុងពេលមានវិបត្តិជំងឺកូវីដ១៩នេះ មានជនខិលខូចលួចចូលទៅបរបាញ់ និងចាប់សត្វក្នុងព្រៃសហគមន៍របស់ព្រះអង្គ ដោយប្រើកាំភ្លើងឆ្នៃ ដាក់ពង្រាយខ្សែភ្លើងឆក់ និងវាយលុបចាប់សត្វស្លាបជាដើម ។
ព្រះអង្គបញ្ជាក់ថា សត្វព្រៃដែលជនល្មើសចាប់ រួមមាន សត្វទន្សោង ប្រើស ជ្រូកព្រៃ និងសត្វក្ងោក ជាដើម ។ ព្រះអង្គបន្ថែមថា កាលពីខែមេសាកន្លងទៅ ព្រះសង្ឃនិមន្តល្បាតព្រៃប្រទះឃើញ សត្វប្រើស ៥ក្បាល និង ទន្សោង២ក្បាលត្រូវបានជនល្មើសបាញ់ងាប់ទុកចោលនៅក្នុងព្រៃសហគមន៍សង្ឃរុក្ខវ័ន៖ «បើគេដាក់អន្ទាក់ដូចពីដើមអត់សូវភ័យទេ បើថ្ងៃណេះរកមិនឃើញស្អែក យើងរកអន្ទាក់ឱ្យទាល់តែឃើញ ។ បើប្រភេទឧបករណ៍ដែលអាត្មានិយាយប៉ុន្មាននេះ បើល្ងាចស្ងាត់គេដឹងថា លោកមិនបានចុះល្បាតទេ គេចូលមក តែមួយយប់ហ្នឹង តែគេបានសត្វទៅវិញបាត់ហើយ ហើយគេសារឧបករណ៍ឆក់យកទៅវិញបាត់ អីចឹងយើងអស់សត្វទៅ ។ អីចឹងប្រភេទវាយលុបអស់ច្រើនជាងអីចឹងបានអាត្មាព្រួយបារម្ភ» ។
ព្រះអង្គបន្តថា ជនល្មើសច្រើនធ្វើសកម្មភាពនៅពេលយប់ និងចន្លោះពេលដែលព្រះសង្ឃមិនបានចុះល្បាតព្រៃ ស្របពេលដែលសព្វថ្ងៃមានព្រះសង្ឃប្រមាណ ១០អង្គប៉ុណ្ណោះ យាមការពារព្រៃឈើក្នុងសហគមន៍សង្ឃរុក្ខវ័ន ។
ទាក់ទងនឹងបញ្ហានេះអភិបាលខេត្តឧត្ដរមានជ័យ លោក ប៉ែន កុសល្យ ប្រាប់អាស៊ីសេរីយ៉ាងខ្លីថា លោកមិនទាន់ទទួលព័ត៌មានអំពីអ្នកលួចបរបាញ់សត្វព្រៃនោះនៅឡើយទេ៖ «ដូចអត់ទាន់មានរបាយការណ៍ហ្នឹងផង ។ ដូចអត់ទាន់មានទេ ដោយសារមន្ត្រីបរិស្ថានខ្ញុំនៅហ្នឹងដែរជាមួយព្រះសង្ឃ ដូចអត់ទាន់មានរបាយការណ៍ហ្នឹងទេ» ។
ព្រៃសង្ឃរុក្ខវ័ន មានផ្ទៃដីជាង ៣ម៉ឺនហិកតារស្ថិតនៅក្នុងស្រុកអន្លង់វែង ចុងកាល់ និងស្រុកសំរោង ក្នុងខេត្តឧត្ដរមានជ័យ។ ព្រៃនេះមានសត្វព្រៃជាច្រើនប្រភេទរស់នៅ ដូចជាសត្វខ្ទីង ទន្សោង ស្វា ប្រើស និងសត្វក្ងោកជាដើម ។ ព្រះតេជព្រះគុណ ប៊ុន សាលួត មានថេរដីកាថា អាចនឹងហិនហោចនៅពេលដ៏ខ្លីខាងមុខប្រសិនបើអាជ្ញាធរមិនបន្ថែមកម្លាំងជួយការពារព្រៃឱ្យបានតឹងរ៉ឹងទេនោះ ។
ព្រះអង្គបន្តថា ជនល្មើសច្រើនធ្វើសកម្មភាពនៅពេលយប់ និងចន្លោះពេលដែលព្រះសង្ឃមិនបានចុះល្បាតព្រៃ ស្របពេលដែលសព្វថ្ងៃមានព្រះសង្ឃប្រមាណ ១០អង្គប៉ុណ្ណោះ យាមការពារព្រៃឈើក្នុងសហគមន៍សង្ឃរុក្ខវ័ន ។
ទាក់ទងនឹងបញ្ហានេះអភិបាលខេត្តឧត្ដរមានជ័យ លោក ប៉ែន កុសល្យ ប្រាប់អាស៊ីសេរីយ៉ាងខ្លីថា លោកមិនទាន់ទទួលព័ត៌មានអំពីអ្នកលួចបរបាញ់សត្វព្រៃនោះនៅឡើយទេ៖ «ដូចអត់ទាន់មានរបាយការណ៍ហ្នឹងផង ។ ដូចអត់ទាន់មានទេ ដោយសារមន្ត្រីបរិស្ថានខ្ញុំនៅហ្នឹងដែរជាមួយព្រះសង្ឃ ដូចអត់ទាន់មានរបាយការណ៍ហ្នឹងទេ» ។
ព្រៃសង្ឃរុក្ខវ័ន មានផ្ទៃដីជាង ៣ម៉ឺនហិកតារស្ថិតនៅក្នុងស្រុកអន្លង់វែង ចុងកាល់ និងស្រុកសំរោង ក្នុងខេត្តឧត្ដរមានជ័យ។ ព្រៃនេះមានសត្វព្រៃជាច្រើនប្រភេទរស់នៅ ដូចជាសត្វខ្ទីង ទន្សោង ស្វា ប្រើស និងសត្វក្ងោកជាដើម ។ ព្រះតេជព្រះគុណ ប៊ុន សាលួត មានថេរដីកាថា អាចនឹងហិនហោចនៅពេលដ៏ខ្លីខាងមុខប្រសិនបើអាជ្ញាធរមិនបន្ថែមកម្លាំងជួយការពារព្រៃឱ្យបានតឹងរ៉ឹងទេនោះ ។
ទាក់ទងនឹងការបរបាញ់សត្វព្រៃខុសច្បាប់នេះដែរ កាលពីថ្ងៃទី១៣ ឧសភា មន្ត្រីជំនាញរដ្ឋបាលព្រៃឈើខេត្តមណ្ឌលគិរី បានប្រទះឃើញសត្វទន្សោង ២ក្បាលងាប់ នៅក្នុងបរិវេណដីក្រុមហ៊ុន លឹម រ៉ូយ៉ាល់ (Lim Royal) ដោយសារតែត្រូវគ្រាប់កាំភ្លើងរបស់ជនល្មើស ហើយមន្ត្រីជំនាញកំពុងស្រាវជ្រាវករណីនេះ ។ ជាមួយគ្នានេះនៅខេត្តកំពត មានបុរសម្នាក់លួចបាញ់សត្វកេងកងធំមួយក្បាលងាប់នៅឧទ្យានជាតិព្រះមុនីវង្សបូកគោ ប៉ុន្តែអាជ្ញាធរពុំបានផ្តន្ទាទោសជនល្មើសឡើយ ដោយគ្រាន់តែឱ្យធ្វើកិច្ចសន្យាឈប់បាញ់សត្វព្រៃតទៅទៀត ៕
© រក្សាសិទ្ធិដោយលោកវិទូ
© រក្សាសិទ្ធិដោយលោកវិទូ
លោកវិទូចុះផ្សាយព័ត៌មានអនឡាញ អំពីព្រះពុទ្ធសាសនាខ្មែរ និងព្រះពុទ្ធសាសនាអន្តរជាតិថ្មីៗ ដើម្បីជាប្រយោជន៍ដល់ប្រិយមិត្តអ្នកអាន និងជាពន្លឺក្នុងការត្រិះរិះពិចារណា ក្នុងការប្រព្រឹត្តទៅ នៃព្រះពុទ្ធសាសនាក្នុងសង្គម ។
No comments:
Post a Comment