ធម្មសាកច្ឆា៖ សម្មាសតិ "ឡប់សតិ" និងបណ្ឌិតមានសតិមិនប្រក្រតី

លោកវិទូ | ថ្ងៃ ៧᧶៨ ឆ្នាំជូត ទោស័ក ព.ស. ២៥៦៤ | ១១ កក្កដា ២០២០

តើសម្មាសតិមានសារសំខាន់អ្វីខ្លះ? តើនឹងទៅជាយ៉ាងណាបើមនុស្សគ្មានសតិ? តើលោកអ្នកយល់យ៉ាងណាដែរចំពោះអ្នកខ្លះមានសញ្ញាបត្របណ្ឌិត តែមានសតិមិនប្រក្រតី? 

ព្រះមុនីកោសល បណ្ឌិត យ៉ន សេងយៀត ចាប់អារម្មណ៍ចំពោះពាក្យខ្មែរមួយថា «មនុស្សមានសតិមាំគេហៅ ‘មនុស្សជា’ មនុស្សហ្នឹងជា ។ ‘មនុស្សជា’ មានន័យថា មនុស្សមានការចង់ចាំមានការគិតឃើញផ្លូវចិត្តហ្នឹងវាល្អពរ ដល់តែមនុស្សអត់ជា ចាស់បុរាណលោកប្រើពាក្យថា ‘ឡប់សតិ’ មានន័យថា សតិវាឡប់អស់ មានន័យថា វាវិវដ្ដ វាក្រឡាប់ចាក់អស់ ។ មនុស្សកាលណាតែសតិហ្នឹងវាក្រឡាប់ចក្រហើយ វា…វា…វាវិលវល់ហើយ អ៊ីចឹងចាស់ៗចាត់ទុកថា អ្នកឡប់សតិគឺជាមនុស្សដែលមិនមានតុល្យភាពផ្លូវចិត្ត» ។ 

ព្រះអង្គមានថេរដីកាបន្ថែមទៀតថា «រឿងសតិនេះអត់ទាក់ទងនឹងរឿងអ្នកមានសញ្ញាបត្របណ្ឌិត អ្នកមិនមានសញ្ញាបត្របណ្ឌិតអីទេ វាទាក់ទងនឹងផ្លូវចិត្តការអប់រំចិត្ត ។ មានអ្នកបានសញ្ញាបត្របណ្ឌិតច្រើនណាស់មានសតិមិនប្រក្រតី» ។ គឺ «ឡប់សតិ», អ្នកសម្របសម្រួលជួយបញ្ជាក់បន្ថែម ។ 

នេះជាធម្មសាកច្ឆាក្នុងកម្មវិធីអនុមោទនាអាសាឡ្ហបូជា កាត់យកត្រង់ចំណុចសម្មាសតិ ដែលសម្របសម្រួលដោយលោកគ្រូធម្មបណ្ឌិត ហេង មណីចិន្តា ។ 

 វាគ្មិនក្នុងវគ្គនេះ៖ 

 ១.ព្រះបណ្ឌិតមុនីកោសល យ៉ន សេងយៀត Zoom ពីសហរដ្ឋអាមេរិក 

 ២.ព្រះពុទ្ធវង្ស ហ៊ូ ឈីវនាថ Zoom ពីរាជធានីភ្នំពេញ 

កម្មវិធីនេះធ្វើតាមប្រព័ន្ធវីដេអូអនឡាញ Zoom រៀបចំនិងឧបត្តម្ភដោយវិទ្យុផ្កាឈូក នៅថ្ងៃ ៧᧮៨ ឆ្នាំជូត ទោស័ក ព.ស. ២៥៦៤ ត្រូវនឹងថ្ងៃ ៤ កក្កដា ២០២០ ។

សូមនិមន្តនិងអញ្ជើញទស្សនាវីដេអូខ្លីខាងលើដោយសេចក្ដីជ្រះថ្លា ។ សូមបើកមើលលើកុំព្យូទ័រ ឬតាមកម្មវិធីយូធូបដើម្បីមានទំហំល្អ ៕

© រក្សាសិទ្ធិដោយលោកវិទូ